Pinaglalaoman na makakauli na sa Pilipinas sa Huwebes, Nobyembre 26, an 19 na Pilipinong tripulante kan naglubog na LPG tanker na MT Gas Husky makalihis mapakarahay an saindang travel documents.
Presenteng nagtetenir sa sarong hotel sa Varna, Bulgaria an mga marino mantang pighahalat an saindang flight pauli.
Segun ki Labor Attache Marietta Dela Cruz, nasa matanos na sitwasyon an mga tripulante, mantang nagpaparahay man an duwang nairido makalihis malapatan nin lunas sa ospital.
Sa tabang kan Department of Migrant Workers (DMW), Migrant Workers Office (MWO)-Budapest, Philippine Embassy sa Bucharest, shipowner asin manning agency, naasikaso an saindang emergency travel documents asin repatriation assistance ngani na masierto an salbado na pagbabalik sa Pilipinas.











