Nagpatanid an Philippine Atmospheric, Geophysical and Astronomical Services Administration (PAGASA) na posibleng maka eksperyensya nin makusog na bagyo an Pilipinas puon Hunyo hasta Agosto, kaya pinaghahanda an publiko sa posibleng epekto kaini.
Posibleng mabilog an makukusog na weather system sa pagsasanib kan habagat asin an Super El Niño, na posibleng magkawsa nin matitinding pag-uran asin pagbaha sa nagkapirang parte kan nacion.
Basado sa pag-aadal kan ahensya, uminabot sa 92% an posibilidad kan siring na kominasyon kan weather pattern.
Dagdag pa kan state weather bureau na posibleng lumala an epekto kan habagat, partikular sa western section kan nacion, kun sumabay ini sa tag-uran.
Maski diit na bagyo sana an mabilog sa nasabing panahon, posible man na magin makusog an mga ini na pwedesir na magdara nin matinding uran o makusog na paros.
Kan nakalihis na semana, nagkapirang lugar sa nacion an tulos na binaha maski thunderstorm sana an naeksperyensyahan.
