LEGAZPI CITY – Nagbariwas nin tabang an lokal na gobierno kan San Miguel, Catanduanes para sa mga residenteng apektado kan weather disturbance asin African Swine Fever.
Sa intrevista kan Bombo Radyo Legazpi ki San Miguel MDRRMO head Mary Ann Teves, pig-aasikaso ngunyan kan agriculture office an mapping sa mga apektadong barangay kan ASF o an virus na nakakagadan sa mga ataman na orig.
Dagos-dagos man an depopulation o paggadan sa mga orig sa Poblacion area kun kaya pinakaapektado an hog raisers.
Huli digdi, nagtao na nin tiglilimang kilong bagas sa kada pamilya asin may pighahalat pang 500 sako hali sa National Food Authority.
Aminado man si Teves na mas nagin padificilan an sitwasyon ngunyan makalihis an pagrapado kan serye kan mga bagyo sa nakalihis na taon.
An pag-aataman kuta nin orig an pighihiling na alternatibong hanapbuhay alagad kaipuhang gadanon an mga ini ngani na dai na maglakop an helang.
Sa kabilugan, nasa 4, 783 pamilya an target na matabangan hali sa 24 barangays.
