LEGAZPI CITY-Sinuspinde kan Office of the Ombudsman an Vice Governor asin 11 Sangguniang Panlalawigan members kansuudma, Mayo 29.
Segun kay Catanduanes Governor Patrick Azanza, na huli sa kontrobersiyal na problema sa Quick Response Fund (QRS) kun sain binago ninda an desisyon kan Catanduanes Development Council asin Provincial Disaster Risk Reduction and Management Council (PDRRMC) na dapat ibabakal an pondo bilang tabang sa mga nasalanta kan Super Typhoon Uwan.
Nagpaluwas suboot an mga ini nin ibang desisyon asin mawot na cash distribution na sana na bako man suboot suportado kan annual investment program asin kan mismong PDRRMC.
Huli digdi, nagpaluwas nin ordinansa asin pig-veto ni Governor Azanza dapit digdi alagad pig-override suboot ini kan sinda magsangat nin declaratory relief.
Sinabi pa ni Azanza na ipinaluwas suboot an resulta na dai naitao an QRF asin naghagad nin tabang an gobernador sa manlain-lain na ahensya ngani mapunan an dai ma-release na pondo huli sa nakabibin an kaso kan SP.
Nagsangat na man sinda nin iba pang supplemental complaint siring kan mga delat asin dai pag-apruba kan mga appointments na pigsasagibo sa irarom kan executive department.
Dugang pa kaini na idinagdag pa ninda sa complaint an dai pagtugot sa gobernador na magsagibo nin memorandum of agreement para sa distibution kan mga yero sa mga nasalanta kan Super Typhoon Uwan.
Siring man an dai pag-apruba sa saiyang chief of staff na ma-appoint asin an pag-isyu sa saiya nin persona non-grata, asin iba pang mag reklamo.
