Sinierto kan Philippine National Police (PNP) na preparado an saindang pwersa para sa pagtataong seguridad sa mga paratukdo, mga estudyante asin magurang para sa paparaning pagbubukas kan klase sa Hunyo 8, sa mga pampubliko asin pribadong eskwelahan sa nacion.
Segun ki PNP chief PGen. Jose Melencio Nartatez Jr., bastante an saindang mga tauhan ngani na maitao an pangangaipo kan seguridad sa balik-eskuwela sa ibong kan pinaglalaoman na pagdagsa kan mga estudyante sa mga eskwelahan.
Sa irarom kan seguridad plan, matutok an PNP sa presensya kanm ga pulis sa mga eskwelahan asin pangenot na mga ruta ngani na masierto an kaligtasan kan publiko.
Ini an sa tahaw kan mas pinahigot na operasyon kan mga otoridad katakod kan manlain lain na high-profile na kaso sa nacion.
Pigduon kan PNP na padagos nindang gigibuhon an mandato sa pagmamantenir kan paz y orden mantang sabay na pighahanda anmga lakdang para sa mas salbado na pagbubukas kan klase.
