LEGAZPI CITY—Irido an sarong Indian national makalihis na pagbabadilon sa banwaan kan San Andres, Catanduanes.
Segun ki Catanduanes Police Provincial Office Public Information Officer Police Lieutenant Colonel Emsol Icawat, sa intrevista kan Bombo Radyo Legazpi, binisto an biktima na sarong lalaki, 44-anyos asin presenteng nagtitinir sa banwaan kan Virac, Catanduanes.
Pinagababadil suboot an biktima na gikan sa Virac kan motor na may lunad na duwang indibidwal mantang pigbababaybay an Barangay Lictin, San Andres.
Dugang kan opisyal na idinara na sa ospital an biktima asin nagsairarom sa operasyon kun sain tinamaan ini sa may parte kan saiyang tagiliran.
Sa presente nagpapadagos an imbestigasyon kan mga otoridad nganing mabisto an mga nasabing suspek.
Mensahe man ni Icawat sa namamanwaaan kan San Andres na makipagkoordinar sa mga kapulisan en kaso may impormasyon sa mga suspek para sa ikakaresolbar kan nasabing insidente.
