Hinagad kan International Criminal Court (ICC) Prosecution sa mga judges na ipaliwanag kan defense counsel ni dating Presidente Rodrigo Duterte ang papel kan anom na Filipino lawyer.
An mga ini an kinabibilangan ninda nina Salvador Medialdea, Salvador Panelo, Martin Delgra, Silvestre Bello III, Alfredo Lim, asin Cesar Dulay.
Sinda an ipinabisto ni Defense Counsel Nicholas Kaufman na nagtabang asin nagsuporta maski nakatukaw sana an mga ini sa public gallery.
Enot nang sinabi ni Kaufman na duwa sa mga ini na sinda Medialdea asin Delgra ang nagtatabang puon pa kaito.
Mantang kinumpirma ni Panelo na ang defense team an nakatalaang makipag-olay sa mga Filipino lawyers nganing itukar an estratehiya sa hearing.
Sa anom na pahina na iniluwas na may petsang Marso 6, na ang pahayag ninda Kaufman asin Panelo an magtatao nin impresyon na an anom an miyembro kan defence ni Duterte.
Huli digdi hinagad kan ICC Pre-Trial Chamber 1 an defense lawyers na magsunad na an anom na nabanggit an bako miyembro kan defence team sa kaso.
Mawot man kan Prosecutors na dapat ibugtak kan defense sa record na an mga abogado an dae makakaresibe nin anumang disclosure sa kaso, dae makaka-access sa anumang non-public filing sa kaso, dae makakaresibe an mga ini nin anumang non-public information na may kinaaraman sa kaso dae bako entitled na legally privileged meeting o makipag-olay nin personal sa dating presidente sa Detention Center.
Dugang pa kan prosecutions na nakasaad sa Articles 68 kan Rome Statue, na igwa sindang katungkulan na tugunan nganing maprotehiran ang kaligtasan, physical asin psychological well-being, dignity asin privacy kan mga biktima asin mga witnesses.
Magigiromdomang isinagibo kan Pebrero 23 hanggan 27 ang confirmation of charges hearing ni Duterte sa kaso kaining crimes against humanity.
