LEGAZPI CITY-Itinalaga si Judge Joanna Korner bilang presiding judge kan Trial Chamber III kan International Criminal Court (ICC) na makapot kan kasong crimes against humanity laban kay dating Presidente Rodrigo Duterte katakod kan war on drugs sa saiyang administrasyon.
Sa sarong three page na dokumento na may petsang Abril 29, inihayag kan hukuman an desisyon na italaga si Korner bilang pinuno kan hukom, pirang aldaw makalihis mabilog kan ICC Presidency an tulong miyembrong chamber.
Basado sa dokumento, nagkasundo an mga hukom kan chamber, susog sa nag-iiral na regulasyon, na pilion si Korner bilang presiding judge kan nasabing dibisyon. May koneksyon an kaso sa saiyang kampanya kontra droga kan siya alkalde pa kan Davao City asin kalaunan bilang presidente kan nacion.
Afuera kay Korner, kaiba sa nabilog na Trial Chamber III sinda Judge Keebong Paek asin Judge Nicolas Guillou.
Basado sa impormasyon hale sa ICC, nagpoon an sampulong taon na termino ni Korner sa Trial Division kan Marso 2021 asin magtatapos sa Marso 2030.
