Nakatalaang ikundusir kan International Criminal Court (ICC) Trial Chamber III an enot na status conference katakod kan kaso laban ki dating Presidente Rodrigo Duterte sa Mayo 27.
Obheto kan nasabing pag-oolay na ayuson an mga importanteng detalye bago dagos na magpuon an paglilitis.
Sa dokumentong may petsang Abril 30, sinugo kan Trial Chamber III ang prosekusyon, depensa, asin ibang kalahok na magsumiter kan saindang komento sagkod Mayo 15.
Itutular digdi an posibleng petsa kan paglilitis, numero kan ebidensya asin testigo, lenggwahe na gagamiton sa korte, disclosure kan mga dokumento, asin mga lakdang para sa proteksyon kan mga saksi.
Kabale man an mosyon na kaipuhang resolbaron bago an trial, pati ang mga aplikasyon kan mga posibleng biktima kan mawot na mag-intra sa proseso.
Magigiromdomang kinumpirmar kan ICC Pre-Trial Chamber I kan Abril 23 an tulong bilang kan crimes against humanity laban kay Duterte katakod kan war on drugs.
