LEGAZPI CITY-Nairehistro kan pulisya an duwang binawian nin buhay asin duwa pa an nairido makalihis an suboot pagsabog sa Masbate Public Market sa hampang kan sarong establisimiento sa Tara Street, Barangay Pating, Masbate City, kan aldaw nin Sabado, Nobyembre 14, 2026.
Susog sa datos kan Police Regional Office 5, duwa an kumpirmadong gadan sa insidente mantang duwa pa an nagsapar nin lugad asin isinugod sa ospital.
Nakaresibe suboot nin apod an pulisya manungod sa insidente bandang alas-2:35 nin hapon kasuudma, na tulos nindang nirespundehan.
Basado sa inisyal na imbestigasyon, nagluwas na posibleng kawsa kan pagsabog an suboot pressurized biogas.
Presente pang pig-aaram kan mga otoridad an pinoonan kan insidente asin padagos na pig-eeksamin an nakolektang sample hale sa pinangyarihan na lugar.
Katakod kaini, pig-eenganyar an publiko na magin kalmado asin ibitaran an pagpapakalat nin salang impormasyon, asin makipag-koordinar sa pinakaharaning himpilan kan pulisya kun igwang naaraman manungod sa insidente na posibleng makatabang sa padagos na imbestigasyon.
