LEGAZPI CITY—Nagsagibo nin send-off ceremony an Police Regional Office 5 kan saindang personahes sa Naga City nganing magtaong seguridad para sa gigibohon na Peñafrancia festival 2026.
Segun ki Police Regional office 5 Regional Director Police Brigadier General Randy Glenn Silvio, sa intrevista kan Bombo Radyo Legazpi, kaipuhang iobserbar an police operational procedure asn direchos humanos kan lambang saro, magin an pag-implementar kan maximum tolerance sa saindang hanay.
Mientrastanto, nagbakal man sinda nin mga ekipahe nganing iheras sa mga personnel sa ciudad kan Naga siring kan cellphone na gagamiton kan drug enforcement unit bilang alternate recording device sa mga operasyon.
Tinawan-doon ni Silvio na bilang regional director kan PNP Bicol an pupunan niya an pagpapakusog kan Information and Communications Technology (ICT) kan saindang ahensya.
Madurar an nasabing deployment puon Setyembre 6 hasta 19, kun sain ide-deploy an mga kapulisan sa mga pangenot na aktibidad kan nasabing selebrasyon.
