LEGAZPI CITY-Ikakasa kan grupo nin mga obrero an sarong hiro protesta bilang pagtutol sa pagbisita ni US President Donald Trump sa Pilipinas kasabay kan nakatalaang ASEAN Summit and Related Summits kun sain host an satuyang nacion.
Segun ki Kilusang Mayo Uno Chairperson Jerome Adonis, sa intrevista kan Bombo Radyo Legazpi, na igwang rason kun nata mabisita si Trump sa Pilipinas afuera sa ASEAN Summit.
Sinabi kaini na dae sinda nagtutubod na maresolba sa mga haloy ng problema kan Pilipinas an isasagibong agreement sa ASEAN.
Mantang nakatalaan suboot na magkaigwa nin pag-orolay sa suboot pagresolba sa economic crisis sa Asya-pasipiko asin seguridad sa mga rehiyon, tinawan doon kan grupo na warang kinaaraman ini sa mga problema ngonian kan nacion.
Orog na suboot sa paglangkaw kan sahod asin pagigin regular kan mga Pilipinong obrero, sa mga pagbayolar sa kalayaan o maging sa red tagging, asin sa paglaog kan mga foreign investors sa nacion.
Tahasang sinabi niya na orog pang tatahuban kaini an katotoohan na pigdadaya sana an Pilipinas sa orolay mapadapit sa negosyo kan Estados Unidos asin iba pang mayayaman na nacion sa Asya-pasipiko.
An nakatalaang pagbisita suboot an magpapalala sana sa estado kan ekonomiya asin seguridad kan mga namamanwaan sa Pilipinas.
