LEGAZPI CITY—Nangapudan si dating Kabataan Partylist Rep. Raoul Manuel na palibrehon an nasa labi 200 na katawong naarestar sa ginibong hiro-protesta kasunod kan ginibong 49th Association of Southeast Asian Nations (ASEAN) Summit sa Pilipinas.

Segun ki Manuel, sa intrevista kan Bombo Radyo Legazpi, habo nindang mag-abot sa punto na halimbawa an maghagad nin donasyon kasunod kan posibleng abuton nin milyones an ipapapiyansa sa mga naarestar na indibidwal.

Segun saiya na sayang suboot an kwarta nganing bayadan an libertad kan mga nakadetine urog na sa mga dae maipaliwanag na rason kun nata ini naarestar.

Dugang ni Manuel na kun may dapat man na manimbag iyo an kapulisan huli sa dae ninda naotob an maximum tolerance sa naunambitang aktibidad. Siring man na accountable digdi si DILG Secretary Jonvic Remulla asin Presidente Bongbong Marcos sa siring na marahas na protesta.

Mientrastanto, tinawan kan kongresista nin gradong 2 an ginibong ASEAN Summit kun sain an 1 an para sa mga ordinaryong empleyado kan gobierno na nagpagal asin ginibo an saindang esfuersos mantang an 1 pang punto an para sa namamanwaan Pilipino na naghiro nganing ipangapudan an kahagadan kaya naoctaba an pagpirma kan Pax Silica Inititative.