LEGAZPI CITY-Pig-agyat ni President Ferdinand Marcos Jr. kan Sabado an mga negosyo sa Southeast Asia na gibohon na mas abot-kaya an Artificial Intelligence (AI) tools kan mga micro, small asin medium enterprises (MSMEs), na nagsasabi na an mga saradit na negosyo dapat na masangkapan nganing makipagkumpetensya sa sarong ekonomiya na nagdadakol an teknolohiya.
Pigpangapudan niya ini sa sarong video address sa mga ehekutibo kan negosyo antes an pormal na pagbukas kan ika-49 na Association of Southeast Asian Nations (Asean) Summit sa Manila ngonian na aldaw.
An tulong aldaw na Asean Summit and Related Summits, na pig-host kan Pilipinas bilang pamayo kan regional bloc ngonian na taon, pormal na nagbukas ngonian na aldaw nin Domingo, Nobyembre 15.
Sa saiyang diskurso, nangapudan an Presidente sa mga ehekutibo kan mga kompanya nin teknolohiya na nag-aatender sa Asean Business and Investment Summit 2026, na magtao nin access sa mga kasangkapan sa AI sa mga saradit na kumpanya.
Ini nganing suportaran an mga may potensyal sa pagtalubo asin para sa mga establisadong negosyo na buksan an saindang mga chain of supplay asin iheras an saindang kadalubhasaan.
Nangapudan man an Presidente sa mga gobierno, negosyo, mga parasiyasat asin mga kompanya nin teknolohiya sa rehiyon na magtarabangan nganing masierto na an AI-driven innovation na makapag-benepisyo sa publiko.
