LEGAZPI CITY-Pig-enganyar ni President Ferdinand Marcos Jr. an mga Pilipino na magin inspirasyon sa buhay asin sakripisyo kan saindang mga namaaram na padangat sa buhay sa paagi kan pagtabang asin pagpahiling nin pagmalasakit sa kapwa ngonian na Undas 2026.
Nakikisumaro man ini sa mga Katoliko asin sa bilog na nacion sa pag-obserbar kan All Saints’ Day asin All Souls’ Day.
Segun sa Presidente, an pagbisita sa mga kamposanto sarong pagkakataon na magiromdoman an mga mahal sa buhay, ipamibi sinda, asin magkasararo giraray an mga pamilya.
Dugang pa kaini na maski wara na digdi an mga nagadan, magtetenir an saindang pagkamoot asin memorya.
Nangapudan man an Presidente sa publiko na arugon an kabootan asin pagtabang na ipinahiling kan mga santo asin iba pang mga tawo na nagsakripisyo para sa saindang mga komunidad.
Tinawan duon kaini na an pagkamoot asin pagmakulog dapat bako sana sa mga nagadan, kundi maging sa mga nangangaipo.
