Pigpaparikasan na ni Presidente Ferdinand Marcos Jr. sa Department of Energy (DOE) an mga nakabinbin na mga energy projects huli sa pinaglalaoman na epekto kan Super El Niño.
Segun sa Presidential Communications Office, na nagkapira sa proyekto na ini an mga power projects na madugang nin 1,500 megawatt sa suplay nin kuryente sa enot na parte kan 2027.
Kaibanan man sa mga ipinagsugo kan presidente an pagpapalakop nin reserve power supply kaibanan an 253 megawatt energy storage system.
Marurumduman na enot na sinierto kan ahensya an kahandaan urog na sa pangrarapado kan El Niño.
