Nagpaplanong magsuhestyon an Pilipinas nin pagmukna nin panrehiyong mekanismo para sa pag-iimbak nin pagkakan asin paroy bilang pag-andam sa banta nin manlaen-laen na krisis sa Timog-Sirangan Asya, kabali an posibleng makusog asin halawig na El Niño.

Segun kay Trade Secretary Cristina Roque, nagkasundo an ASEAN na pakusogon an kooperasyon sa agrikultura, kabali an pagpapalitan nin kaaraman asin teknolohiya sa pag-ooma.

Dawa dai pa pormal na napag-orolayan an propuesto sa pag-iimbak nin pagkakan, sisikapon ni Roque na isulong ini sa mga kapwa kasaping nasyon kan ASEAN.

Tinawan-doon kan kalihim na makakatabang an mga umiiral na kasunduan kan ASEAN para mapatatag an suplay nin pagkakan sa rehiyon asin maibitaran an biglaang paglangkaw kan presyo nin mga pangenot na barakalon.

Segun sa sarong pag-aadal, kabali an katimugan na parte kan Pilipinas, Brunei asin Singapore sa mga lugar na nahahampang sa pinakaharaning peligro nin makusog na pag-uran.

Kabali man sa posibleng maapektaran an nagkapirang parte kan Thailand, Cambodia asin Vietnam.

Napag-araman man na an tagmara na dara kan El Niño durante kan panahon nin pagtanom dati nang nagresulta sa pagbaba kan ani nin paroy na nakadepende sa uran sa Pilipinas asin sa Mekong River Delta kan Vietnam, na pwedesir man magresulta sa paglangkaw kan presyo nin pagkakan.