Nagkasundo sinda Presidente Ferdinand Marcos Jr. asin Japanese Prime Minister Sanae Takaichi na pahewason an kooperasyon kan Pilipinas asin Japan sa manlain lain na larangan kasunod kan saindang bilateral meeting sa Maynila.
Sa saindang pag-oolay, pigtukar kan duwang lider an mga orolay na pang rehiyon asin pagpapakusog kan koordinasyon kan duwang nacion, partikular sa seguridad, enerhiya, asin ekonomiya.
Segun ki Takaichi, obheto kan Kapan na mas pakusugon an partnership kan duwang nacion bilang Comprehensive Strategic Partners asin pahewason an pagtatabangan para sa katrangkiluhan asin katatagan sa rehiyon.
Nakisumaro man an punong ministro sa ASEAN Gala Dinner na pinangenotan ni Presidente Marcos, kaibanan an iba pang mga lider asin representante kan mga pang kinaban na organisasyon.











