LEGAZPI CITY-Tinawan doon kan sarong Political Analyst na dapat palayason sa Pilipinas si Chinese Ambassador Jing Quan makalihis an nagin pahayag kaini sa nacion mapadapit sa iriwal sa teritoryo.
Segun kay Political Analyst Prof. Antonio Contreras, na kaipuhan na kondinahon asin madagit sa nasabing ambassador huli ta mahambog suboot ini.
Sinabi pa niya na igwa pang patikada manungod sa sarong listahan na nagkokondina sa China kun sain kabale an mga Congressman asin Senador, na maikokonsidera niyang pagbabanta, siring man an mga nagin argumento laban kay Senator Risa Hontiveros.
Huli digdi, suhestyon niya kay President Ferdinand Marcos Jr. na palayason an ambassador huli sa saiyang “pamimihasa” sa nacion.
Katakod pa kaini, nagpahayag man nin argumento an opisyal manungod sa dae pagkondina ni Bise Presidente Sara Duterte sa isyu.
Tahasan man niyang sinabi na dae suboot ini ikinadagit kan Bise, mantang padagos an China sa pagbangga sa mga Pilipinong parasisira, pag papauran nin water cannon sa mga barko, paggamit nin laser na military grade laban sa mga Pilipino, asin mismo an panghihimasok sa teritoryo asin Intertropical Convergence Zone (ITZC) kan Pilipinas.
