LEGAZPI CITY-Ipighayag ni US President Donald Trump na bako siya kontento sa panibagong propwesto kan Iran para sa saindang negosasyon, rason ngani posibleng magpadagos pa an deadlock sa gera.
Segun ki Trump, igwang kahagadan an Tehran na dai niya suboot kayang tanggapon, maski pa nagpapadagos an komunikasyon kan duwang kampo.
Mientras tanto, sinabi ni Iranian Foreign Minister Abbas Araqchi na bukas an Iran sa diplomasya kun babaguhon kan Estados Unidos an agresibong atake, alagad nagtetenir na nakaalerto an saindang pwersa laban sa Estados Unidos.
Kasabay kaini, lalong nag-init an tensyon sa mga kaalyado matapos an pag-withdraw kan tropa kan Estados Unidos hale sa Germany, kasunod kan iriwal laban kay German Chancellor Friedrich Merz.
Sa ibong kan ceasefire o tigil-putukan, nagtetenir na kritikal an sitwasyon sa Strait of Hormuz, kun sain apektado an dakulang parte kan pankinabang suplay kan langis.
Huli digdi, padagos an pagkahadit sa estado kan ekonomiya asin piglalaoman na mahalangkaw pa an presyo kan langis.
