LEGAZPI CITY-Inilipat hale sa siyang harong sa Washington DC pasiring sa sarong base militar si US Treasury Secretary Scott Bessent kasunod kan mga pananakot sa saiyang buhay na inaatribwir sa Iran.
Susog sa mga report kan Estados Unidos, an paglipat ginibo makalihis na an Wall Street Journal, mag-publish nin sarong retrato na nagtugot na madeterminaran an eksaktong lokasyon kan saiyang harong sa Georgetown.
Pinangenotan ni Bessent an lakdang kan Estados Unidos na ihiwalay an ekonomiya kan Iran sa paagi nin matitinding padusa asin mahiwasang economic blockade.
Nagpatanid man an Direktor kan National Intelligence na si Jay Clayton, na an Iran pinakusog an pagpuntirya kaini sa mga Amerikano, kabali an mga presente asin dating opisyales kan gobierno kan Estados Unidos, arog ni Mike Pompeo, John Bolton, asin Mark Milley.
Si Bessent, kaiba sa mga halangkaw na opisyal kan administrasyon na nakaistar sa mga base militar para sa saindang seguridad, kabali an Hepe kan White House na si Stephen Miller, Kalihim kan Depensa na si Pete Hegseth, asin si Secretary of State Marco Rubio.
