Piglalaomang liwat na susurion kan International Criminal Court (ICC) ang aplikasyon kan mga biktima kan madugong drug war na nagmamawot na makisumaro sa trial laban kay dating Presidente Rodrigo Duterte.
Ini an kasunod kan dagos na pagkumpirma kan international tribunal sa kaso kan dating presidente – paagi nganing madagos na sa paglilitis.
Susog sa ICC, iluluwas kaini an bagong deadline para sa pagsusunad kan mga kaparientes kan biktima kan saindang applikasyon mantang nasa trial stage na ang kaso.
An mga aplikasyon na dae nakalaog sa ‘scope’ o sakop kan nasabing kaso an isusumite sa Trial Chamber para sa panibagong pagsusuri.
Enot nang inotorisa kan ICC Pre-Trial Chamber I an hasta 539 na biktima na makisumaro sa nakatalaang paglilitis.
Siring man, naenot nang nilinaw ng korte na bako kaini boot sabihon na tetestigo ang mga biktima sa pagdalagan na paglilitis laban sa dating lider kan Pilipinas.
Piglalaoman na man na bibilogon ang Trial Chamber na lilitis sa kaso kan dating presidente sa lalong madaling panahon.
