LEGAZPI CITY- Nakisumaro an sarong election watchdog sa ipigkondusir na lignt demonstration kan automated counting machines sa pangengenot kan Commission on Elections.
Sa nasabing demonstration naipahiling an mga bagong features kan mga makinang gagamiton sa 2025 elections.
Segun ki Kontra Daya Convenor Danilo Arao sa intrevista kan Bombo Radyo Legazpi na nahiling ninda an kaluyahan kan automated election system kaya saro suboot ini sa mga kinakaipuhan na bantayan.
Aminado an opisyal na igwang mga pagbabago sa automated counting machines kan South Korean Firm na MIRU kumparar sa vote counting machines kan Smartmatic na ginamit sa nakalihis na mga eleksyon.
Igwa suboot na mga features na nagpapahiling kan transparcency alagad naka depende man liwat sa makina an pagbibilang kan boto.
Segun ki Arao na dae ninda nauyunan an garing paghihidali kan Commission on Elections sa isyu kan transmission huli ta mas importante man liwat an pagsierto na tama naita-transmit na resulta.
Dugang pa kan grupo mas mawot man liwat an manual counting huli sa mas siguradong resulta kan pirilian.
