Hinagad kan Office of the Ombudsman sa Sandiganbayan na magluwas nin precautionary hold departure order laban kina Senador Rodante Marcoleta, dating Anakalusugan party-list Rep. Mike Defensor, asin duwang negosyante katakod kan suboot P75 million campaign donation para sa kandidatura ni Marcoleta sa 2025 elections.
Basado sa rekomendasyon nin mga field investigator kan Ombudsman, dapat suboot sunadan nin kasong plunder asin indirect bribery sina Marcoleta, Defensor, negosyanteng si Joseph Varias Espiritu, asin Aristotle Baluyut Viray.
Segun sa mga imbestigador, tinanggap suboot ni Marcoleta an kabilogang P75 million campaign donations sa tulong magkakahiwalay na aldaw, na maikokonsiderar na “gift” na posibleng maglaog sa kasong plunder sa irarom kan anti-graft laws.
Nabatid na naisumiter na sa Seventh Division kan Sandiganbayan an kahagadan kan Ombudsman kan Lunes, Mayo 25.
Gayunpaman, wara pang pigluluwas na pinal na resolusyon ang Office of the Ombudsman nganing aprubaran an pormal na pagsusunad nin mga kaso laban sa mga respondent.
Mientrastanto, sinayumahan ni Marcoleta ang mga alegasyon sa saiyang privilege speech kan Lunes. Segun sa Senador, politically motivated suboot an mga reklamong isinunad laban saiya asin tila may pagporbar na baluktutin ang ley.
Wara pa man na opisyal na pahayag sina Defensor, Espiritu, asin Viray mapadapit sa nasabing isyu.
