LEGAZPI CITY-Sinabi kan sarong Election Watchdog na dapat na dagdagan an sakop kan pigbubusol na anti-political dynasty bill.
Segun kay Kontra Daya Convenor Professor Danilo Arao, sa intrevista kan Bombo Radyo Legazpi na an ipinasar na anti-political dynasty bill, iyo an peke huli sa definiition kaini na hasta sa 2nd degree sana an hahalion.
Siring kan mga magurang, katugangan, asin aki sa politiko, alagad wara suboot an mga distant relatives.
Dai man suboot kabale digdi an dynasty succession kun san matapos mag-expire an termino kan sarong tawo, mapalit naman an sarong kaparyentes kaini.
Dagdag pa ni Arao na dapat idagdag an mga elective asin apppointive position sa anti dynasty law huli ta “damaging” man ini orog na kun an ipigtatalaga kan Presidente, pwedisir na kaparyentes kaini, poon sa secretary, undersecretary, assistant secretary asin iba pang position sa gobierno.
Dugang pa niya na wara pang malinaw na partylist reform bill kun kaya magayon na maidagdag an sitwasyon sa igwang mga dinastiya.
Paglinaw pa niya na kun nasa likod kan partylist, igwang sinda mismo an nagkakandidato bilang partylist nominee o may mga tawohan digdi alagad sinda an nagsusustento sa pinansyal.
Suhestyon kan opisyal na kaipuhan i-overall an anti-political dynasty bill ngani magin makatotohanan an ley kun kaya bako bastante sana an pagbago sa “level of consanguinity”.
Huli digdi, piglalaoman ninda na magkaigwa nin magayun na resulta an mga kaparehong mga adbokasiya
