LEGAZPI CITY- Ikinadisganar kan sarong election watchdog an nagin desisyon kan Commission on Elections dapit sa reklamo na saindang ipigsunad katakod kan suboot kwestyonable na campaign donations ki Presidente Ferdinand Marcos Jr. asin Vice President Sara Duterte.
Segun ki Kontra Daya Convenor Prof. Danilo Arao sa intrevista kan Bombo Radyo Legazpi na ibinalik kan Comelec an kopya kan reklamo huli sa suboot pagigin ‘immune from suit’ kan presidente asin bise presidente.
An reklamo an may kinaaraman sa suboot maabot sa P20 million na campaign donations hali sa mga indibidwal na may koneksyon sa government contracting.
Nanindugan an grupo na dae pwedesir na mataram na immune from suit man si Vice President Sara Duterte.
Paliwanag ni Arao na an immunity from suit an aplikalble sana para sa minesterial functions kan presidente, alagad an reklamo ninda an katakod kan pangyayari antes pa man magin presidente si President Marcos.
Nanindugan man ini na igwang limang taon na prescription period kaya igwa sana nin hasta sa 2027 ngani na magsunad nin kaso kaya ngunyan pa sana, dapat na naipo-proseso na an saindang reklamo.
