LEGAZPI CITY-Nilinaw ngonian kan Department of Social Welfare and Development (DSWD) na dai na kinakaipuhan an anumang sertipikasyon hale sa Commission on Election (COMELEC) para sa mga kuwalipikadong public utility vehicle (PUV) sa pagkuwa kan saindang mga cash relief assistance.
Kasunod ini kan napabareta sa Cebu City na pighagadan nin certificate hale sa COMELEC an sarong ‘habal-habal’ driver ngani makuwa an anumang ayuda.
Segun ki DSWD Spokesperson asin Assistant Secretary Irene Dumlao, mawot nindang maparikas an pagbabarewas kan cash assistance kaya dai na kaipuhan pa an anumang sertipikasyon gikan sa nabanggit na ahensya.
Paglilinaw pa kaini na an P5,000 na cash assistance, nasa irarom kan “Assistance to Individuals in Crisis Situations” na pigtatao sa mga kuwalipikadong PUV drivers huli sa padagos na paglangkaw kan presyo kan produktong petrolyo.
