LEGAZPI CITY-Itinatampok kan gobierno kan Pilipinas an saindang mga paghihingoa na maipalakop an sarong ligtas na digital environment para sa mga jovenes sa bilog na nacion.
Ini sa tahaw kan marikas na pag-uswag kan artificial intelligence asin iba pang mga teknolohiya, na pirmihang nakakaapektar sa buhay kan mga jovenes.
Ipinahayag ini ni Secretary Rex Gatchalian kan Department of Social Welfare and Development (DSWD) kasunod kan pagtatapos kan 36th Association of Southeast Asian Nations (ASEAN) Socio-Cultural Community (ASCC) Council Meeting sa Maynila.
Pig-duon kan kalihim na importante para sa mga jovenes mismo an magpartisipar sa pagbisto kan mga lakdang para sa saindang sadiring online protection, sa tabang asin giya kan gobierno.
Manungod sa mga seniors na populasyon, sinabi kaini na an pokus para sa mga seniors dapat na maglampas pa, afuera sa mga social pension sana.
Pigpaliwanag kan opisyal na pigbubusol kan nacion an konsepto kan “Silver Economy”—sarong inisyatiba na may katuyuhan na makagibo nin mga produkto asin serbisyo na nagpapangyari sa mga seniors na magtenir na aktibo asin produktibo.
An paaging ini, pigkokonsidera an saindang edad asin kamugtakan sa salud.
