LEGAZPI CITY-Nag-orolay sinda Executive Secretary Ralph Recto asin UPLIFT Committee kan nakaaging semana ngani pakusugon an preparasyon kan gobyerno sa epekto kan nagdadakulang tensyon sa Middle East asin an panibagong paglangkaw kan presyo kan langis sa bilog na kinaban.
Segun ki Recto, dapat na magin ‘proactive’ an gobierno sa pagprotehir sa mga Pilipino sa posibleng paglangkaw kan presyo kan pamasahe, pagkakan, asin iba pang barakalon.
Pigsierto ni Recto na padagos na pigbabantayan kan gobierno an sitwasyon sa Middle East asin posibleng epekto kaini sa presyo kan langis, food supply, inflation, asin ekonomiya kan nacion.
An UPLIFT Committee nagsabi na sinda handang magdagdag nin tabang kun an sitwasyon mas magtindi pa.
Durante kan pagtiripon, inihayag kan Department of Energy (DOE) na igwa nin supisyenteng supply nin gasolina, diesel, asin LPG an nacion.
Mientrastanto, pigsierto kan Department of Social Welfare and Development (DSWD) na igwa nin supisyenteng pondo ngani na padagos an pagtao nin cash assistance sagkod sa katapusan kan taon sa 7.5 milyon na benepisyaryo kan pinahiwas na UPLIFT program.
Sa ngonian, nasa 5.79 milyon na benepisyaryo an nakaresibe suboot nin total na P11.80 bilyones de pesos.
