LEGAZPI CITY-Kinondena ni Senador Raffy Tulfo an padagos na pagdakol kan mga pekeng identification card para sa Persons with Disabilities (PWD), na suboot ginagamit kan mga bakong PWD na indibidwal ngani makakua nin 20 porsyentong diskwento asin iba pang benepisyo.
Ginibo ni Tulfo an saiyang pagkondena sa hearing kan Senate Committee on Finance sa propwestong 2027 budget kan Department of Social Welfare and Development (DSWD) asin mga katakod na ahensya kaini sa Senado sa Pasay City kan Miyerkules.
Tinawan-duon kan senador an pangangaipo na atubangon an pag-abuso sa sistema kan PWD ID ngani na masierto na an diskwento asin benepisyo mapaduman sa mga lehitimong benepisyaryo.
An padagos na paggamit nin mga pekeng ID, nagdadara nin mga kahaditan manungod sa implementasyon kan mga benepisyo na ginibo nganing makatabang sa mga gastos asin pang-uroaldaw na pangangaipo kan mga Persons with Disabilities.
