LEGAZPI CITY-Pangapudan sa ngunyan kan mga health workers kay Presidente Rodrigo Duterte an doble sahod siring kan ginibo sa sweldo kan mga pulis.
Sa intrevista kan Bombo Radyo Legazpi kay Robert Mendoza an Presidente Alliance Health Workers (AHW), inagyat kaini an presidente na ipahiling man an pagkamoot sa mga ahealth workers na iyo an nangengenot sa ngunyan sa pagtratar sa mga pigtatamaan nin COVID 19.
Kadakol na kaya suboot an nakikisabay sa mass resignation na nangyayari sa ngunyan sa mga ospital, kung sain base sa pinakahuring datos sa laog sana nin sarong semana 5% na kan mga health workers an nagsumitir kan saindang resignation letter.
Segun kay Mendoza, kadaklan sa mga ini an nagdesisyon ng magtrabaho na sana sa ibang nasyun, mantang an iba an nagretiro na.
Apwera pa suboot iyan sa kadakol na mga nurse asin doktor na binawian na nin buhay makalihis na tamaan nin COVID 19.
Mientras tanto, sa hampang kan nangyayaring mass resignation, pangapudan kan AHW President sa iba pang health workers na magtiyaga muna asin ipadagos an pagtatrabaho huli ta ngunyan suboot pinakakaipohan kan mga Pilipino an serbisyo kan medical frontliners.
