Ipigsugo kan Energy Regulatory Commission (ERC) an paramientras na suspensyon kan disconnection sa mga residential asin non-residential consumers na dae pa makakapagbayad kan saindang electric bills puon Mayo hasta Hulyo 2026.
Tutugutan man kan ERC an installment payment scheme nin hasta sa tulong bulan ngani na matawan nin mas flexible na paagi kan pagbabatad an mga consumers.
Sakop kan polisiya an mga konsumo na dae malagpas sa 200 kilowatt-hours kada bulan, kun sain pwedesir na banggaon sa tulong hulog an babayadan.
Segun sa ahensya na obheto kan lakdang na mapagaan an epekto kan mas halangkaw na singil sa kuryente na kawsa kan tensyon sa Middle East na nakaapektar sa presyo kan enerhiya.
An babayadan sa distribution utilities na dae tulos mababayadan an pwedesir na ipasa sa mga power generators ngani na mabawasan an financial burden kan mga consumer.
Parte ini kan emergency measures ngani na masierto na dae mawawaran nin kuryente an mga consumers sa tahaw kan paglangkaw kan preso kan kuryente.
