Namaaram na si dating Special Envoy for International Public Relations Dante Ang, basado sa kumpirmasyon kan saiyang pamilya kan Martes nin banggi, Mayo 5.
An burol ni Ang an mapuon ngunyan na aldaw, Mayo 6, sa Manila Memorial Park sa Sucat, Parañaque City.
Imbes na burak, hagad kan pamilya na magtao na sana nin donasyon sa Hospicio de San Jose, na saro sa saiyang paboritong charity.
Si Ang an nagserbing chairman emeritus kan The Manila Times asin naging special envoy for international public relations sa irarom kan administrasyon ni dating Presidente Rodrigo Duterte.
Naging publicist man siya ni dating Presidente Gloria Macapagal-Arroyo puon 1993 hanggang 2003.
Kan 2005, ipigdesignar siya ni ni Arroyo bilang chairman kan Commission on Filipinos Overseas, kun sain nagserbi siya hasta sa pagtatapos kan termino kan dating presidente kan 2010.
