LEGAZPI CITY – Balik na sa normal an biyahe sa Matnog port makalihis an naging kanselasyon huli sa Bagyong Aghon.
Sa intrevista kan Bombo Radyo Legazpi kay Matnog Port Acting Division Manager Achilles Galindes, base sa datos kan pantalan nag-abot sa 2,500 na mga pasahero an nastranded kasuodma dara kan maraot na panahon.
Alagad makalihis na magpaluwas nin advisory an Coast Guard Station Sorsogon na nagtutugot sa pagbiyahe kan mga sakayang pandagat, marikas ng nabawasan an numero kan mga stranded na pasahero.
Sa ngunyan balik na sa normal an biyahe sa pantalan kung sain halipot na sana an pila asin duro-deretsyo ng nakakalarga an mga barko.
Ipinagpapasalamat man ni Galindes na dae nin naireport na insidente dara kan bagyo asin nagsunod man an gabos sa abiso sa kanselasyon nin mga biyahe.
