LEGAZPI CITY—Timbog sa sarong buy-bust operation kan mga otoridad an sarong pigtutubudang tulak nin droga sa banwaan kan Guinobatan, Albay.
Binisto an suspek na si alyas “Bhok,” 25-anyos, asin residente kan nasabing lugar.
Nakumpiskar sa supek an sarong pakete nin pigtutubudang shabu na may pigkarkulong gabat na 0.070 gramo asin kantidad na P476.00 na ginamit bilang buy-bust item.
Afuera digdi, narekober man saiya an apat pang pakete nin pigtutubudang shabu na pocomas o menos apat na gramo asin nagkakantidad nin P27,200.
Nakumpiskar man an sarong P500.00 na buy-bust money, sarong pakete nin sigarilyo asin sarong improvised tooter.
Ginibo an operason kan Guinobatan Municipal Police Station Municipal Drug Enforcement Unit, 1st Albay Police Provincial Mobile Force Company asin kan Philippine Drug Enforcement Agency (PDEA) Albay.
Sa presente nasa kustodiya na kan Guinobatan MPS para sa magkakanigong disposisyon asin mahahampang sa pagbalgar sa Republic Act 9165 o Comprehensive Dangerous Drugs Act of 2002.
