LEGAZPI CITY – Karsel an bagsak kan sarong indibidwal sa Oas, Albay huli sa patong-patong na kaso na may kinaaraman sa child abuse.
Segun ki Oas Municipal Police Station Chief of Police Police Major Jonathan Apil sa intrevista kan Bombo Radyo Legazpi na inarestar an suspetsado sa pinagsarong pwersa kan saindang ofisina, Criminal Investigation and Detection Group Albay, Albay Provincial Intelligence Team, Provincial Intelligence Unit Albay, asin Regional Intelligence Unit 5.
Basado man sa saindang imbestigasyon an napag-araman na ka-barangay man sana kan suspetsado an saiyang biktima.
Sa presente an nagtetenir na sa kustodiya kan saindang hepatura an suspetsado para sa magkakanigong disposisyon.
Nangapodan man si Apil sa publiko na dae magduwang isip na makipagtabangan sa mga kapulisan enkaso may mga impormasyon mapadapit sa mga ilegal na nangyayari sa saindang mga komunidad nganing matawan ini nin magkakanigong aksyon.
