LEGAZPI CITY-Nagtutubod an village chief kan Guinobatan, Albay na dakulang bagay an postponement kan BSKE 2026 para sa mga nagtatrabahong mga opisyales.
Segun ki Kap. Henry Racadag kan Brgy. Muladbucad Grande, Guinobatan, Albay, sa intrevista kan Bombo Radyo Legazpi, na dakulang bagay an pag-postpone sa BSKE bako sana sa pag-angat kan sadiring bangko, kundi mas mapapadagos napoonan na mga programa, orog na ngonian na pinaka-kaipuhan kan barangay an sarong water system.
Sa duwang taon na pigtataong extension sa termino, tama na suboot an panahon na ini asin bako man dapat maghaloy, huli ta magigin dehado man an mga konstituwente, orog na kun dai man ninda nahihiling na nagtatrabaho an mga na-elihir na opisyal.
Nagpagirumdom man siya na dapat pilion nin maray an karapat-dapat sa pwesto ngani dai masala o magbasol digdi.
Pigre-respeto man niya an opinyon kan kadaklan, alagad sinabi niya na dai pa man masasabi kun nawara an direchos na makapag-boto huli ta magkakaigwa man liwat nin eleksyon.
Tinawan doon man niya na sa orolay kan suboot mga may edad na sa Sangguniang Kabataan, sinabi niya na basta nagtatrabaho, bako man suboot ini kalugian sa parte kan sanggunian.
Dagdag pa kan Kapitan na dakulang kalugian sana ini para sa mga dai nagtatrabahong opisyal kan barangay, alagad maninigo man ini para sa mga totoong nagtatrabaho.
