LEGAZPI CITY-Nakatalaan na kaolayon ni U.S. President Donald Trump si Russian President Vladimir Putin manungod sa mga detalye kan pagkagadan kan sarong trabahador sa laboratory workers sa plague research center sa Siberia.
Sinabi ni Trump na an pangapudan mangyayari ngonian na Huwebes nganing aramon an mga katotoohan kan pangyayari.
Alagad, an tagapagtaram kan Kremlin na si Dmitry Peskov dai nagkumpirma na magkakaigwa nin orolay sa telepono an duwang lider.
Pinagsierto man niya na an mga base sa standard practice hale sa World Health Organization (WHO).
Inakusaran pa niya an media na nagpapalakop nin salang mga impormasyon.
An White House dati nang nagsabi na nagpadara ini nin diplomatikong mensahe sa Russia na naghahagad nin dugang na impormasyon.
Marurumduman na pig-iimbestigaran kan Russia an pagkagadan kan 28-anyos na biktima kun sain an mga indibidwal na nagkaigwa nin contact sa nagadan, nag-negatibo sa pigtutubudang pneumonic plague.
Susog sa mga nadiskubre kan WHO, an pneumonic plague igwa nin halipot na incubation period sa laog nin 24 oras asin nakakagadan kun dai tulos naagapan.
