LEGAZPI CITY-Padagos an pagsasaayos kan Maysan Road sa Valenzuela City mantang pigsiertp ninda na nag-aasenso an road rehabilitation project kan Department of Public Works and Highways (DPWH).
Si DPWH Secretary Vince Dizon, kaiba si Valenzuela Mayor Wes Gatchalian, liwat na nag-inspeksyon kan dalagan kan proyekto ngonian na aldaw nin Huwebes.
Segun ki Dizon, 35% na an tapos kan rehabilitasyon, na an poco mas o menos 1.3 kilometros kan tinampo asin bukas na ngani magamit kan mga motorista.
An Maysan Road pigsemento nin 30-sentimetro an hibog na reinforced concrete nganing masierto an mas matibay asin an kapasidad na makatagal sa gabat kan mga trak.
An mga inlets asin drainage systems pig-aayos man asin pigpapahiwas nganing mapakarhay an daloy kan tubig, kapareho kan mga drainage improvements na pig-implementar sa EDSA.
Obheto kan DPWH na matapos an bilog na Maysan Road rehabilitation project antes an Pasko.
Mientrastanto, naghahagad nin pag-intindi an lokal na gobierno kan Valenzuela sa mga motorista asin kagsadiri nin negosyo madapit sa trapiko na dara kan nasabing konstruksyon.
Mantenidong epektibo an truck ban sa lugar nganing makatabang na maparikas an pagkumpleto kan proyekto asin maibitaran an pagkaraot kan bagong ayos na mga tinampo.
