LEGAZPI CITY-Nagsangat an abogado ni Bise Presidente Sara Duterte nin affidavit sa National Bureau of Investigation (NBI) manungod sa mga alegasyon na ginibo ni dating pulis na si Rodulfo Gracioso Jr. sa suboot paghatod kan mga maleta na pano nin kwarta sa pamilyang Duterte.
Segun ki Gracioso—an dating miembro kan security detail ni ex-House Speaker Lord Allan Velasco—nagdeliver suboot siya nin cash-filled suitcases ki Bise Presidente Sara Duterte, dating Presidente Rodrigo Duterte, asin Davao City 1st District Representative Paolo “Pulong” Duterte, basado sa pagboot ni Velasco.
Basado sa saiyang mga pahayag, pigkakarkulong maabot sa P2 bilyon an total na kantidad kan kwarta na pigdeliver suboot ni Gracioso ki Bise Presidente Duterte.
Sinabi man kaini na an kada maleta pwedisir maglaog nin milyones pesos.
Mahigot na pinahimutikan ni Bise Presidente Sara Duterte an mga alegasyon.
An Bise Presidente dai personal na nagpahiling sa NBI; imbes, an saiyang abogado an nagsumiter asin nagpaliwanag kan saiyang affidavit asin kan saiyang simbag sa mga alegasyon.
Segun kay Atty. Clifford Chua, an personal na pag-atubang kan Bise Presidente dai kinaipuhan, kaya sinda an nagrepresentar saiya sa pag-file kan affidavit.
Sinabi pa ni Chua na an mga alegasyon ni Gracioso igwa nin kadakol na mga kautikan.
Kabali man sa affidavit an mga retrato na dati nang pinaluwas kan Bise Presidente durante kan saiyang press conference.
Sa ngonian, padagos pa man giraray na pig-iimbestigaran si Bise Presidente Sara Duterte katakod kan mga alegasyon na kinakahampang niya manungod sa mga cash-filled suitcases—partikularmente, an suboot pagresibe nin mga maleta na pano nin kwarta na idineliver ni dating pulis na si Rodulfo Gracioso Jr.
Segun ki Atty. Chua, sisiyasaton kan NBI an isinumitir na affidavit kan kampo ni Bise Presidente Sara Duterte asin isasairarom ini sa fact-finding process.
