LEGAZPI CITY – Naglatag nin pinakusog na estratehiya an Philippine Drug Enforcement Agency (PDEA) Albay kontra iligal na droga bilang preparasyon sa Pasko.
Segun ki PDEA Albay Provincial Officer Noe Noe Briguel, sa intrevista kan Bombo Radyo Legazpi, igwa nin mga estratehiya an PDEA Regional Office 5 para sa Christmas season.
Kabali sa estratehiya an seaport interdiction operation tanganing mabantayan an mga pantalan na posibleng agihan kan droga.
Kaibahan man kaini an airport interdiction unit na magbabantay sa mga aeropuerto sa rehiyon.
Nag-apela man si Briguel sa barangay anti-drug abuse councils, Philippine National Police (PNP), National Bureau of Investigation (NBI), asin PDEA na magtarabangan sa pagbantay.
Pigsierto niya na padagos an pagtutok kan PDEA sa mga drug den asin high-value seizure operations tanganing dai makabalik an paglakop kan iligal na droga.











