LEGAZPI CITY-Ipigheras ni Condor-Piston Bicol President Ramon Rescovilla, an mga kadifisilan sa ibong kan pagigin aktibo ngani ipangapudan an direchos kan mga drivers asin operators.
Segun saiya sa eksklusibong intrevista kan Bombo Radyo Legazpi, na bilang dekada na sa pagigin drayber, talagang grabeng krisis na poon pa kaito kan sektor kan transportaasyon, orog na kan tradisyunal na jeepney.
Pag-historya ni Rescovilla, na igwang insidente na nin pambabadil sa sainda sa parte kan Daraga, Albay huli sa saindang mga mass action.
Bilang dekada na siya sa pagigin drayber asin sarong lider, sinabi niya na digdi suboot nabubuhay an saiyang pamilya asin nagin prinsipyo na niya ini na ipaglaban an sektor.
Haros dekada na suboot an panggigipit, panghaharass sa sainda alagad wara man nin sala sa pagwelga ngani ipaabot sa gobierno sa pigkakahampang na krisis kan mga kababayan, kan sektor kan transportasyon.
Tinawan doon niya na direhos ini kan mga drayber asin operator alagad dai suboot nadadangog an mga petisyon asin dayalogo kaini.
Mantinidong ini suboot an saindang sandata asin iyo an pinakahalangkaw na porma kan paglaban asin pagkalampag sa gobierno.
Sinabi pa kan opisyal na kun magkakasararo, talagang magigin matrayumpo ini asin laoman na dadangugon mismo kan gobierno.
