Ibinuyagyag ni Bise Presidente Sara Duterte na an administrasyon ni Presidente Ferdinand Marcos Jr soboot nakipagsabwatan sa International Criminal Court (ICC) nganing arestaron an saiyang ama na si dating Presidente Rodrigo Duterte huli sa mga crimes against humanity na may relasyon sa saiyang ‘war on drugs’.
Sa speech kan bise presidente sa Free Duterte Now rally sa The Hague, Netherlands, nanindugan si VP Duterte na igwang political motives sa likod kan pagdakop sa saiyang ama kan Marso 11 sa Pilipinas.
Sinabi niya na nakipagsabwatan an ICC asin an presenteng administrasyon tanganing haleon sa eksena an dating presidente na saro sa pinaka-vocal na kritiko ni Presidente Marcos Jr.
Idinagdag kaini na mayo nin supisyenteng basehan an pagkakulong kan saiyang ama sa Scheveningen Prison sa The Hague asin an mga soboot akusasyon nin extrajudicial killings (EJK) nakabase sana sa tsismis.
Nanindugan man ini na an ICC nakiaram sa pamamahala kan Pilipinas asin igwa nin sadiring “agenda” tnganing mamantenir an suporta asin pondo hale sa ibang nasyon.
 to arrest her father, former President Rodrigo Duterte, for crimes against humanity related to his war on drugs.){kind=link}