LEGAZPI CITY-Pormal na tinapos kan piskalya kan Kamara an pagpresentar kan mga ebidensya sa impeachment trial ni Bise Presidente Sara Duterte kan Biyernes, na nag-aasegurar na an mga dokumentong isinumiter laban sa Bise an magpapatotoo sa impeachment case.
Segun sa House prosecution spokesperson na si Ace Barbers, an suboot undeclared assets asin income ni VP Sara asin kan saiyang agom na si Atty. Manases Carpio, poon 2022 hasta 2025, nagkakantidad nin poco mas o menos P817.87 milyon, basado sa pag-analisar kan financial expert na si Alexander Cabrera.
Pigbusisi man ni Cabrera an mga bank records, Statements of Asset, Liabilities, and Net Worth (SALN), asin mga dokumento gikan sa mga kompanya na konektado sa mag-agom.
Sinabi man ni House prosecutor Zia Alonto Adiong, na an nagkapirang transaksyon na pigmarkahan kan eksperto pwedisir magpahiling kan pagtatago kan mga pagrugaring.
Alagad, an mga alegasyon na ini asin an mga resulta kan pag-analisar, dapat pa man giraray na timbangon kan Senado, na nagseserbing impeachment court.
An depensa dai pa nagpe-presentar kan saindang lado asin ebidensya.
