LEGAZPI CITY-Kinondina kan International Criminal Court (ICC) an ginibong pagpataw nin sanctions kan Estados Unidos sa sainda.
Segun ki ICC President Tomoko Akane na bako katanggap-tanggap an sanctions huli sa independent asin legal an saindang pigsasagibong imbestigasyon.
Bilang sarong ICC judge, pigsierto man ninda na warang motibong pulitikal an saindang imbestigasyon.
Pigkokonsidera man ninda na sarong atake ini sa mga biktima nin pang-aapi kan sarong pulitika.
Pigsierto man ni Akane na dai sinda natatakot sa anumang huma na dara kan Estados Unidos, arog kan pagpapataw nin sanctions.
Marurumdumang nagpataw an Estados Unidos nin sanctions sa ICC huli sa kasong isinangat sa nagkapirang Amerikano maski bako ini miyembro kan institusyon.
