LEGAZPI CITY-Dadarahon kan Office of the Vice President (OVP) sa Korte Suprema an disallowance kan Commission on Audit’s (COA) kan P73 milyon na confidential funds na ginastos kan 2022, segun sa legal counsel na si Atty. Michael Poa.
An pigtutukoy ni Poa, iyo an 15-pahinang resolusyon kan COA na nag-uphold kan notice of disallowance with finality, na pigtutukduan an suboot dai pagsunod kan OVP sa guidelines sa paggamit kan confidential funds.
Segun ki Poa, masangat sinda nin petisyon para sa certiorari sa irarom kan Rule 65 sa Korte Suprema, na hahamanon an suboot grave abuse of discretion kan COA.
Sinabi niya na nag-andam na sinda sa posibilidad na an resolusyon dai magigin paborable sa OVP.
Tinawan niya nin duon na dae pa siya nakakaolay ki Bise Presidente Sara Duterte dapit sa desisyon kan COA, alagad tuyo nindang magkonsulta sa Bise Presidente antes magsangat nin apelasyon.
Inasegurar ni Poa na igwa pang legal na remedyo na makukua kan OVP asin kan mga indibidwal na may paninimbagan sa irarom kan nasabing disallowance.
An paggamit kan OVP nin confidential funds kabale man sa mga alegasyon na kabale sa kaso nin impeachment kontra ki VP Sara Duterte.
