LEGAZPI CITY- Welcome development para sa sarong dating kongresista sa irarom kan 19th Congress an desisyon kan Korte Suprema na ideklarar bilang ‘unconstitutional’ kan unprogrammed appropriations 2024 asin 2025 General Appropriations Act.
Alagad segun ki dating Kabataan Party-list Representative Raoul Manuel sa intrevista kan Bombo Radyo Legazpi na an mga pinondohan kan nasabing unprogrammed funds an dae na maibabalik pa.
Sa ibong kaini, pinaglalaoman na makakatabang an nasabing desisyon kan Supreme Court ngani na mapanimbag an mga nag-propuesto kan paglangkaw sa unprogrammed funds.
Marurumduman na saro an dating kongresista sa mga nag-kontra sa pagpasar kan nasabing unprogrammed appropriations.
Ipinunto kaini na naging mindset na kan mga korap na opisyal sa Malakanyang asin sa Kongreso na ipapasar an budget na igwang dakulang unprogrammed appropriations, na naging backdoor sa pork barrel.
“Darating talaga yung araw na mabubuklat kung ano yung ginagawa nila. Hanggang sa pagkakabuklat korapsyon nila, yung mga insertions sa budget, yung bilyong-binyong nakokorakot na mga proyekto. Sana magtulungan tayo para lahat talaga ng sangkot (ay) mapanagot.” segun ki Manuel.
Maski maglaag pa suboot nin listahan an legislative branch kun ano an mga proyekto asin programa na popondohan, kun ano an pipirmahan kan presidente an bako pa pinal asin pwedesir na gibuhon an paggamit kaini.
Mientras tanto, tinutaw man kaini na garing nagkapirang mga opisyal na sana an nagdedesisyon sa paggastos kan pondo kan banwaan.
Paliwanag ni Manuel na garing pigtatrato na sana kan Malakanyang an kaban ng bayan bilang ‘wallet’ na pwedesir na gastuson kun mawot ninda.
Sa hudyan, nangapudan ini sa publiko na langkawan na an standards ngani na dae na maging cycle ang talamak asin sistematikong korapsyon na nangyayari sa gobierno.
“So whatever po ang posisyon- Kongresista, Senador, Bise Presidente, o kahit Presidente sana panagutin natin. Sana tumaas na yung standards natin para hindi na maging cycle itong talamak at sistematikong korapsyon na nangyayari sa gobyerno.” dagdag pa kang dating kongresista.
Basahin ang kaugnay na ulat. https://legazpi.bomboradyo.com/pagigin-unconstitutional-kan-2024-general-appropriations-act-haloy-nang-pigtutulan-huli-sa-halangkaw-na-kantidad-kan-pondo/
