Nangapudan sinda Mamamayang Liberal Party-list Rep. Leila de Lima asin Akbayan Party-list Rep. Chel Diokno nin mas mahigot na transparency asin accountability sa paggamit nin pondo kan namamanwaan kasunod kan desisyon kan Korte Suprema (SC) na nagtakda nin mga limitasyon sa unprogrammed appropriations (UA).
Bilang co-petitioner sa saro sa mga kasong pinagsararo kan SC, sinabi ni De Lima na mantang mawot nindang dagos na ipawarang-bisa an UA, importanteng lakdang an pagtatakda kan Korte nin malinaw na limitasyong konstitusyonal nganing malikayan an pang-aabuso sa pondo kan publiko.
Tinawan-doon man niya na dae dapat magsirbing proteksiyon laban sa paninimbagan an doctrine of operatives fact para sa mga mapatutunayang maghiro nin may maraot na paghingoa.
Mientrastanto, ipigdoon ni Diokno na dapat malinaw na maaraman asin tawan nin pondo an mga prayoridad na proyekto imbes na ibugtak an mga ini sa UA, kun saein pwedesir sindang maging bulnerable sa pang-aabuso asin korapsyon.
Nangapudan man siya sa Senado asin House of Representatives na siertohong nagsusunod sa desisyon kan SC ang 2027 national budget, hale sa mga natatadang deliberasyon hanggang sa bicameral conference committee.
Parehong pigdoon kan mga lehislador an pangangaipuhang halion an mga klase nin pork barrel asin siertohong piggagamit an pambansang badyet para sa kapakanan kan namamanwaang Pilipino.
