Naglalaom an Malacañang na magtetenir na mabaskog si dating Presidente Rodrigo Duterte ngani na hampangon an mga akusasyon kontra saiya asin maihewas an kaaraman kaini dapit sa suboot krimen katakod kan drug war kan saiyang administrasyon.
Segun ki Palace Press Officer asin Communications Undersecretary Claire Castro, mawot kan mga Pilipino na magrahay an salud ni Duterte ngani na mahampang niya an mga akusasyon saiya sa International Criminal Court (ICC).
Sinabi man ni Castro na posibleng umamin si Duterte sa mga pagdangog dapit sa suboot mga planong paggadan na isinagibo sa ngaran kan kampanya kontra droga.
Kasunod ini kan desisyon kan ICC Trial Chamber III na idineklarang fit to stand trial si Duterte, makalihis sayumahan an argumento kan depensa na nakaka apektar sa saiyang memorya asin cognition an saiyang kakayanan na magpartisipar sa paglilitis.
Nakatalaan na magpuon an trial sa Nobyembre 30 katakod kan mga kasong crimes against humanity na ipigsunad kontra sa dating presidente.
