LEGAZPI CITY-Tinugutan kan International Criminal Court (ICC) Trial Chamber III an pag-awtorisar kan paglaog nin pitong dagdag na insidente sa kasong crimes against humanity laban ki dating Presidente Rodrigo Duterte, mantang dae kabali an sarong insidente huli ta naglagpas ini sa timeframe na sakop kan opisyal na sakdal.
Sa sarong desisyon na ipinaluwas kansuudma, Oktubre 9, 2026, an Kamara pinagnegaran an mosyon kan depensa na repasohon an dokumento kan mga akusasyon, na nagsasabi na an pormal na isinumitir na format ngani maayos na maihanda kan dating Presidente an saindang legal na depensa.
Kabali sa mga awtorisadong insidente an suboot paggadan sa mga indibidwal na pigkonsiderar na “high-value targets” asin mga pagbalgar sa derihos humanos na konektado sa barangay clearance operations durante kan War on Drugs.
Alagad, an Kamara nagboot na haleon an “Incident 57” sa kaso makalihis na mahiling na ini lagpas sa timeframe na sakop kan Count 2 kan akusasyon, na nakasentro sana sa suboot krimen na nairehistro sa pag’ultanan kan Hulyo 2016 asin Hulyo 2017.
An ICC Chamber nagboot sa panel kan prosekusyon na i-organisa asin i-update an listahan kan mga testigo, pormal na ebidensya, asin halipot na paglilitis sa Oktubre 16, na piglilinaw na an lakdang na ini may kinaaraman sana sa teknikal na sakop kan mga akusasyon asin dai minakompwesto nin pinal na hatol sa pagkakasala o pagkainosente kan dating presidente.
